ܠܐܦ̈ܝ ܛܘܒܬܢܘܬܗ ܕܟܘܡܪܐ ܡܥܠܝܐ ܡܪܝ ܐܝܓܢܐܛܝܘܣ ܙܟܝ ܩܕܡܝܐ

– ܠܐܦ̈ܝ ܛܘܒܬܢܘܬܗ ܕܟܘܡܪܐ ܡܥܠܝܐ ܡܪܝ ܐܝܓܢܐܛܝܘܣ ܙܟܝ ܩܕܡܝܐ، ܪܝܫܐ ܓܘܢܝܐ ܕܥܕܬܐ ܣܘܪܝܝܬܐ ܬܪܝܨܬ ܫܘܒܚܐ ܕܒܟܘܠܗ̇ ܬܒܝܠ،
– ܠܐܦ̈ܝ ܙܗܝܘܬܗܘܢ ܕܡܥܠܝ̈ܐ ܡܪܝ ܛܝܡܬܐܘܣ ܫܡܘܐܝܠ ܐܩܛܐܫ ܘܡܬܝ ܦܝܠܘܟܣܝܢܘܣ ܨܠܝܒܐ ܐܘܙܡܢ، ܪ̈ܝܫܝ ܡܪ̈ܥܝܬܐ ܕܒܛܘܪ̈ܝ ܡܬܐ ܕܐܬܘܪ،
– ܠܐܦ̈ܝ ܚܘܓܬܐ ܐ̱ܚܝܢܝܬܐ ܐܝܩܪܬܢܝܬܐ ܕܒܝܬ ܡܩܣܝ ܐܠܝܐܣ ܓܘܢܐܝܬ،

ܐܘܪܝܦܝ  – ܡܛܟܣܬܐ ++ ܛܒܐ ܡܚܫܢܐ ܕܥܘܢܕܢܗ ܕܡܢܚܐ ܪܒܢ ܕܝܪܝܐ ܐܒܪܗܡ ܒܝܬ ܡܩܣܝ ܐܠܝܐܣ ܚܫܝܫܐܝܬ ܫܡܥܢܢ. ܠܪ̈ܓܫܐ ܕܚܫܐ ܘܕܟܪܝܘܬܐ ܒܠܒܘ̈ܬܐ ܕܟܘܠܢ ܙܪܥ. ܡܢ ܝܕ ܗܕܐ ܠܒܘܝ̈ܐܐ ܕܝܠܢ ܡܢ ܚܙ̈ܐ ܬܪ̈ܥܝܬܢܝܐ ܕܠܒܘ̈ܬܢ ܠܪܝܫܢܘܬ ܥܕܬܐ ܣܘܪܝܝܬܐ ܦܪܝܫܐܝܬ، ܠܡܪ̈ܥܝܬܐ ܘܠܕܝܪ̈ܬܐ ܣܘܪ̈ܝܝܬܐ ܕܒܛܘܪ̈ܝ ܡܬܐ ܕܐܬܘܪ ܕܝܠܢܐܝܬ، ܠܟܘܠܗܘܢ ܐ̱ܚܝܢ̈ܘܗܝ ܕܡܢܚ ܢܦܫܐ ܪܒܢ ܕܝܪܝܐ ܐܒܪܗܡ ܓܘܢܐܝܬ، ܡܩܪܒܝܢܢ.

ܡܢܚ ܢܦܫܐ ܪܒܢ ܕܝܪܝܐ ܐܒܪܗܡ، ܫܒܩ ܕܘܪ̈ܟܬܐ ܕܪܘܚܢܝܘܬܐ ܒܡܪܕܝܬܐ ܕܚܝ̈ܘܗܝ ܒܕܝܪ̈ܬܢ ܕܡܬܐ ܕܐܬܘܪ، ܣܡܟܐ ܗܘܐ ܥܡܘܠܬܢܐ ܘܡܠܐ ܛܢܢܐ ܒܬܫܡܫܬܐ ܪܘܚܢܝܬܐ، ܠܒܝܒܐ ܗܘܐ ܘܡܠܒܒܢܐ ܠܡܫܘܘܫܛܢܘܬܐ ܘܠܡܝܬܪܘܬܐ ܕܚܩܠܐ ܥܕܬܢܝܬܐ.

ܒܪܢܫܐ ܕܡܫܡܫ ܠܥܕܬܗ ܪܘܚܢܐܝܬ، ܒܗ ܒܙܒܢܐ ܡܫܡܫ ܠܐܘܡܬܗ ܓܘܢܐܝܬ. ܒܢܝܢ̈ܫܐ ܕܐܚܝܕܝܢ ܒܗܝܡܢܘܬܐ ܒܗ ܒܙܒܢܐ ܐܚܝܕܝܢ ܒܡܪܕܘܬܐ ܘܒܡܫܠܡܢܘܬܐ. ܗܠܝܢ ܐܢܝܢ ܡܝܬܪ̈ܬܐ ܕܝܗܒܝܢ ܛܥܡܐ ܘܣܘܟܠܐ ܠܚܝ̈ܐ ܕܒܢܝܢ̈ܫܐ. ܬܘܒ ܗܠܝܢ ܐܢܝܢ ܩܝܘܡ̈ܬܐ ܕܣܡܟܝܢ ܘܡܥܫܢܝܢ ܠܐܝܬܘܬܐ ܘܠܗܝܝܘܬܐ ܐܘܡܬܢܝܬܐ ܘܡܬܢܝܬܐ ܕܒܪܢܫܐ.

ܟܕ ܚܢܢ ܐܝܟ ܓܘܫܡܐ ܦܘܠܝܛܝܩܝܐ ܕܐܚܝܕܝܢܢ ܒܗܝܡܢܘܬܐ ܡܫܝܚܝܬܐ ܘܕܒܝܩܝܢܢ ܠܥܕ̈ܬܐ ܣܘܪ̈ܝܝܬܐ ܕܐܘܡܬܐ ܐܬܘܪܝܬܐ، ܡܝܩܪܝܢܢ، ܡܩܠܣܝܢܢ ܘܡܪܡܪܡܝܢܢ ܠܬܫܡܫܬܗ ܕܡܢܚ ܢܦܫܐ ܪܒܢ ܕܝܪܝܐ ܐܒܪܗܡ ܒܡܪܕܝܬܐ ܕܚܝ̈ܘܗܝ ܒܥܕ̈ܬܢ ܘܒܕܝܪ̈ܬܢ.

ܐܦܢ ܝܘܡܢܐ ܡܒܕܪܝܢܢ ܒܟܘܠܗ̇ ܥܡܪܬܐ، ܡܗܝܡܢܝܢܢ ܕܬܘܒ ܡܬܥܫܢܝܢܢ ܘܡܗܦܟܝܢܢ ܠܡܪܕܘܬܢ، ܠܗܝܡܢܘܬܢ ܘܠܡܫܠܢܘܬܢ ܐܦ ܠܡܕܝܢܝܘܬܢ ܩܕܡܝܬܐ ܕܒܥܠܡܐ ܠܐܬܪܢ، ܠܥܦܪܢ ܘܠܡܬܢ ܐܪܥܐ ܕܐܬܘܪ ܕܝܘܡܢܐ ܡܬܩܪܝܐ ܬܘܪܟܝܐ، ܣܘܪܝܐ، ܥܝܪܩ، ܝܘܪܕܢܢ، ܠܒܢܢ ܐܦ ܐܝܣܪܐܝܠ. ܒܗܕܐ ܡܬܡܨܝܐ ܕܓܘܢܐܝܬ ܕܢܫܡܫ ܠܐ̱ܢܫܘܬܐ ܥܠ ܟܝܠ̈ܐ ܘܡܝܬܪ̈ܬܐ ܕܐܒܗ̈ܬܢ ܩܕܡ̈ܝܐ ܕܡܢ ܩܕܡ ܡܪܢ ܝܫܘܥܡܫܝܚܐ ܘܕܒܬܪܗ.

ܡܟܝܠ ܡܢܚ ܢܦܫܐ ܪܒܢ ܕܝܪܝܐ ܐܒܪܗܡ ܡܠܝ ܚܝ̈ܘܗܝ ܘܣܒܥ ܝܘܡ̈ܬܐ ܘܒܨܒܝܢ ܡܪܗ ܐܫܩܠ ܓܦܐ ܠܥܠܡܥܠܡܝܢܝܘܬܐ، ܠܐܬܪܐ ܗܘ ܕܪ̈ܘܚܢܐ ܕܒܘܣܡ̈ܘܗܝ ܠܐ ܡܘܦܝܢ ܘܛܘܒ̈ܘܗܝ ܠܐ ܦܛܪܝܢ. ܛܘܒܐ ܠܗ ܕܡܢ ܠܐܘܬܐ ܕܥܠܡܐ ܗܢܐ ܐܬܚܪܪ ܘܠܐܬܪܐ ܕܡܠܐ ܓܐܘ̈ܬܐ ܠܘܬ ܡܪܗ ܐܬܘܥܕ.

ܟܕ ܒܝܕ ܓܦ̈ܐ ܩܠܝܠ̈ܬܐ ܕܪܘܚܐ ܒܥܘܦܝܗ ܘܒܠܘܘܝܗ ܒܕܝܪܐ ܕܡܪܝ ܐܒܪܗܡ ܕܒܩܣܛܪܐ ܡܕܝܕ ܕܒܛܘܪ̈ܐ ܥܠܝ̈ܐ ܕܐܬܘܪ ܫܟܝܚܝܢܢ ܘܥܡܟܘܢ ܠܚܫܐ ܓܘܢܐܝܬ ܛܥܢܝܢܢ. ܡܢܗ ܗܘ ܕܒܢܦܫ̈ܬܢ ܠܣܒܪܐ ܕܩܝܡܬܐ ܕܚܘܕܬܐ ܘܕܚ̈ܝܐ ܫܪܪ ܡܦܝܣܝܢܢ، ܠܡܢܚ ܢܦܫܐ ܕܡܢ ܒܝܢܬܢ ܦܪܫ ܢܢܝܚ ܘܢܚܣܐ، ܒܓܢܘܢܗ ܪܘܚܢܝܐ ܕܡܛܝܒ ܠܓܒܘ̈ܗܝ ܘܠܥܒܕ̈ܝ ܨܒܝܢܗ ܢܒܣܡ، ܚܝ̈ܐ ܢܓܝܪ̈ܐ ܡܫܪ̈ܛܚܝ ܛܒ̈ܬܐ ܘܪ̈ܣܡܝ ܗܢܝܐܘ̈ܬܐ ܥܠ ܟܘܠܟܘܢ ܓܘܢܐܝܬ ܢܫܦܥ ܒܪ̈ܚܡܘܗܝ ܫܦܝܥ̈ܐ ܘܚܢܢܗ ܐܠܗܝܐ.

ܒܒܣܝܡܘܬ ܪܝܫܐ ܚܬܡܝܢܢ

16. ܐܝܠܘܠ 2010 ܡܪܢܝܬܐ 6760 ܐܬܘܪܝܬܐ

ܕܝܠܟܘܢ ܡܛܟܣܬܐ ܐܬܘܪܝܬܐ ܕܝܡܩܪܛܝܬܐ ܓܘܫܡ̈ܐ ܕܓܠܘܬܐ ܘܚܘܝܕ̈ܐ ܘܚܘܕܪ̈ܐ ܐܬܘܪ̈ܝܐ ܕܒܬܘܬܒܘܬܐ ܓܘܢܐܝܬ

ܐܒܪܗܡ ܝܓܝܬ