ܒܘܝܢܐ ܕܫܘܬܐܣ ܓܒܝܢܐ ܕܫܝܢܐ ܘܚܐܪܘܬܐ

28-07-2020

ܐܟ ܟܘܢܫܳܐ، ܠܪ̈ܥܝܢܶܐ ܦܘܠܝܛܝܩܝ̈ܐ ܩܪܝܒ̈ܐ، ܘܥܡܠܐ ܡܫܘܬܦܐ ܥܠ ܡܬܚܐ ܕܡܫܩܠܐ ܕܥܒܪ̤، ܡܘܬܒܐ ܐܬܪܳܢܝܳܐ ܟܘܪܕܳܝܐ ܒܣܘܪܝܰܐ ܥܡ ܡܛܟܣܬܐ ܐܬܘܪܝܬܐ ܕܝܡܩܪܛܝܬܐ ܘܫܶܦܥܐ ܕܠܰܡܚܳܪ ܕܣܘܪܝܰܐ ܒܰܐܣܝܪܘܬܐ ܥܡ ܡܘܬܒܐ ܥܰܪܰܒܳܝܐ ܕܓܳܙܰܪܬܐ ܕܰܦܪܳܬ، ܓܘܫܡ̈ܐ ܗܠܝܢ ܦܘܠܝܛܝܩܝ̈ܐ، ܥܰܡ ܚܕܕ̈ܶܐ ܒܝܪ̈ܚܶܐ ܕܥܒܪܘ ܫܝܫܰܠܬܐ ܕ̮ܰܟܢܘܫܝ̈ܶܐ ܬܟܝܒܐܝܬ ܩܛܪܘ، ܘܠܗܿ ܠܰܡܣܕܪܘܬ ܚܝܠܐܳ ܡܢܰܘܦܝܢ̤ ܐܰܝܟܢ ܕܢܶܚܙܶܐ ܫܪܳܝܳܐ ܦܘܠܝܛܝܩܝܐ ܠܩܶܛܪܐ ܕܣܘܪܝܰܐ̤، ܫܪܳܝܐ ܕܡܰܓܰܗ ܘܰܡܦܰܨܶܐ ܠܰܐܬܪܐ ܡܶܢ ܗܰܘܬܐܳ ܥܰܡܝܩܬܐ ܕܠܗܿ ܐܶܬܬܰܚܬܝ؛ ܒܥܶܠܰܬ ܡܘܪ̈ܝܶܐ ܘܩܢܛ̈ܐ ܐܝܬܘܬܳܢܳܝ̈ܶܐ ܕܰܥܕܰܟܝܠ ܒܰܐܬܪܰܢ ܚܳܕܪܝܢ، ܘܰܒܩܶܨ ܕܛܶܟܣܐ ܫܰܠܝܛܐ ܫܒܝܠ̈ܐ ܡܫܝܢ̈ܐ ܘܦܳܠܚܳܢܳܝ̈ܐ ܡܢܕܪܝܫ ܐܶܣܬܰܥܡܰܠ؛
ܟܢܘܫܝ̈ܶܐ ܕܥܰܗܶܕܢܰܢ، ܠܐܰܘܝܘܬܐ ܕܫܘܬܐܣ ܓܒܝܢܐܕܫܝܢܐ ܘܚܐܪܘܬܐ ܐܘܒܠܘ، ܘܒܰܟܢܘܫܝܐ ܕܐܬܩܛܶܪ ܒܝܘܡ 28 ܬܡܘܙ 2020 ܐܶܬܬܰܓܠܝ ܥܰܠ ܓܒܝܢܐ ܗܢܐ ܒܪܘܚܐ ܥܶܠܰܝܬܐ ܕܰܡܫܐܠܘܬܐ̤، ܗܿܝ ܕܢܳܒܥܐ ܡܢ ܪܶܓܬܐ ܘܨܶܒܝܳܢܐ ܡܫܰܘܬܦܐ ܡܛܠ ܬܫܡܫܬܐ ܕܨܶܒܘ̈ܬܐ ܕܥܰܡܰܢ̤ ܘܬܘܒ ܒܘܰܥܕܐ ܕܫܘܬܳܦܘܬܐ ܘܐܘܝܘܬܐ ܡܛܠ ܥܬܝܕܘܬܐ ܕܝܰܬܝܪ ܛܒ ܠܣܘܪܝܰܐ
ܓܒܝܢܐ ܕܫܝܢܐ ܘܚܐܪܘܬܐ، ܐܝܬܘܗܝ ܛܰܪܐ ܠܰܐܘܝܘܬܐ ܦܘܠܝܛܝܩܝܬܐ ܒܝܬ ܟܡܐ ܚܝܠ̈ܐ ܦܘܠܝܛܝܩܝ̈ܐ ܕܣܘܪܝܰܐ، ܚܝܠ̈ܐ ܕܚܳܝܪܝܢ ܠܰܒܢܳܝܳܐ ܕܛܶܟܣܐ ܕܝܡܩܪܛܝܐ ܠܳܐ ܩܢܛܪܘܢܳܝܳܐ ܕܢܳܛܰܪ ܐܝܩܪܐ ܘܚܐܪܘܬܐ ܕܟܠܗܘܢ ܣܘܪ̈ܳܝܶܐ، ܛܟܣܐ ܕܠܰܝܬ ܒܗ ܕܘܟܬܐ ܠܟܠܗܘܢ ܙܢܰܝ̈ ܣܘܪܳܕܐ ܘܣܰܘܦܳܢܘܬܐ ܘܬܘܪܚܳܩܳܐ ܠܦܘܬ ܐܶܣ̈ܐ ܕܰܒܛܝܢܝܢ ܒܓܘ ܚܝܰܪܬܐ ܦܘܠܝܛܝܩܝܬܐ ܕܗܳܢ ܓܒܝܢܐ، ܒܗ ܒܙܰܒܢܐ، ܓܒܝܢܐ ܗܢܐ ܦܬܝܚܳܐ ܐܝܬܘܗܝ ܡܛܠ ܣܘܳܕܐ ܘܥܡܠܳܐ ܡܫܰܘܬܦܐ ܥܡ ܟܠܗܘܢ ܓܘܫܡ̈ܐ ܕܣܰܩܘܒܠܳܝܘܬܐ ܕܣܘܪܝܰܐ،
ܘܡܢ ܟܠ ܦܪܘܣ ܣܰܡܳܟܳܐ ܠܟܠ ܥܡܠܐ ܐܬܪܢܝܐ ܘܐܩܠܝܡܝܳܐ ܘܬܒܠܝܳܐ ܕܡܰܟܠܶܐ ܓܘܢܚ̈ܐ ܕܣܘܪ̈ܳܝܶܐ ܒܝܰܕ ܫܪܳܝܐ ܦܘܠܝܛܝܩܝܐ ܓܡܝܪܐ ܘܟܠܳܢܳܝܐ ܥܠ ܫܶܬܐܣܬܐ ܕܦܘܣܩܢ̈ܐ ܕܡܰܘܬܒ ܫܝܢܐ؛ ܘܫܳܘܶܐ ܠܡܶܕܟܰܪ، ܕܫܘܬܐܣ ܓܒܝܢܐ ܗܢܐ ܠܐ ܡܰܥܒܶܕ ܡܪܝܡܳܢܐܝܬ ܥܠ ܗܰܕܳܡܘܬܐ ܕܰܡܫܬܣ̈ܢܐ ܒܓܘ ܓܘܫܡ̈ܐ ܘܫܘܬܐܣ̈ܐ ܕܣܩܘܒܠܳܝܘܬܐ؛ ݀ܐܶܠܐܳ ܥܡܠܗ ܥܬܝܕ ܕܢܐܺܬܶܐ ܐܟ ܫܘܡܠܳܝܐ ܠܥܡܠܝܗܘܢ؛
ܓܒܝܢܐ ܡܶܣܬܰܡܰܟ ܥܠ ܚܝܰܪܬܐ ܡܩܰܕܰܡܬܐ ܡܦܫܩܳܢܝܬܐ ܠܐܰܝܟܢܳܝܘܬܐ ܕܒܗܿ ܣܘܪܝܰܐ ܗܳܫܐܝܬ ܥܒܪܐ،
ܘܘܰܡܢܰܣܝܐ ܠܡܒܢܐܶ ܫܶܬܐܣܬܐ ܢܳܡܘܣܝܬܐ ܠܣܘܪܝܰܐ ܚܕܬܐ̤ ܣܳܝܡܐ ܒܚܘܫܒܳܢܐ̤، ܕܝܠܳܝ̈ܳܬܐ ܕܟܠܗܘܢ ܥܰܡܡ̈ܶܐ ܕܣܘܪܝܐܰ ܘܰܢܛܳܪܐ ܕܙܶܕܩ̈ܐ ܐܘܡܬܳܢܳܝ̈ܐ ܘܕܝܡܪܰܛܳܝ̈ܶܐ ܕܝܠܗܘܢ، ܒܐܘܪܚܐ ܕܡܰܘܒܠܳܐ ܠܐܘܚܕܳܢܐ ܕܩܐܡ ܥܠ ܒܰܪܡܳܬܘܬܐ ܫܰܪܝܪܬܐ̤، ܐܘܚܕܢܐ ܕܒܗ ܡܫܬܪܪܳܐ ܚܐܪܘܬܐ، ܟܐܢܘܬܐ، ܫܘܝܘܬܐ،
ܐܘܚܕܢܐ ܕܗܳܘܰܐ ܐܬܪܐ ܠܟܠ ܘܥܳܪܶܐ ܠܟܠ
ܓܒܝܢܐ ܕܫܝܢܐ ܘܚܐܪܘܬܐ، ܣܳܡܰܟ ܫܪܳܝܐ ܦܘܠܝܛܝܩܝܐ ܒܣܘܪܝܐܰ ܕܐܶܬܒܢܝ ܥܠ ܦܘܣܩܳܢ̈ܐ ܐܶܡܘܳܬܳܢܝ̈ܶܐ̤ ܘܕܝܠܢܐܝܬ ܦܘܣܩܢܐ ܕܡܘܬܒ ܫܝܢܐ ܢܘܡܪܐ 2254 ܘܒܘܝܳܢܐ ܕܓܢܝܦ1 ܐܰܝܟܰܢ ܕܢܶܫܬܪܪܘܢ ܣܘܟܳܝ̈ܐ ܕܥܰܡܰܢ ܒܫܘܚܠܳܦܐ ܕܝܡܩܪܛܝܳܐ ܠܛܶܟܣܐ ܕܰܡܝܰܩܰܪ ܙܶܕܩ̈ܐ ܐܢܳܫܝ̈ܐ ܘܫܘܢܳܝܐ ܡܫܰܝܢܐ ܠܫܘܠܛܢܘܬܐ ܘܪܳܡܘܬܐ ܕܩܳܢܘܢ̈ܐ̤ ܥܡ ܢܛܳܪ ܚܕܳܝܘܬܐ ܕܥܦܪܐ ܣܘܪܳܝܐ؛
ܓܒܝܢܐ ܕܫܝܢܐ ܘܚܐܪܘܬܐ، ܩܰܦܶܣ ܚܝܰܪܬܗ ܚܕܳܪ ܥܬܝܕܘܬܐ ܕܣܘܪܝܰܐ̤ ܘܐܶܣ̈ܐ ܕܥܡܠܗ ܠܡܫܩܠܐܳ ܕܳܐܬܐܶ ܒܬܪܬܝܢ ܘܰܪ̈ܩܶܐ ܦܘܠܝܛܝܩܝܬܐ ܟܝܬ ܘܛܘܟܳܣܝܬܐ، ܘܰܗܘܐܳ ܫܘܪܳܪܳܐ ܠܘܰܪ̈ܩܐ ܗܠܝܢ ܒܓܘ ܟܢܘܫܝܐ ܪܘܝܚܐ ܥܠ ܑܘܪܰܚ ܢܘܠܐ ܕܐܰܢܬܪܢܶܬ؛ ܒܗܿܝ ܕܠܐܳ ܡܰܨܝܐ ܠܰܢ ܕܢܶܩܛܘܪ ܟܢܘܫܝܐ ܦܪܨܘܦܐܝܬ݂ ܒܥܶܠܰܬ ܟܘܪܘܢܰܐ؛ ܘܰܥܬܝܕܝܢܰܢ ܕܢܶܦܪܘܣ ܠܘܰܪܩܐ ܦܘܠܝܛܝܩܝܬܐ ܥ̮ܠ ܐܳܪ̈ܓܰܢܐ ܕܰܦܪܳܣܐ
ܒܚܪܬܐ ܕܝܢ̤ ܫܘܘܕܳܝܐ ܠܥܡܳܢ ܝܳܗܒܝܢܰܢ̤ ܕܰܐܡܝܢܐܝܬ ܢܶܗܘܶܐ ܡܫܰܡܫܳܢ̈ܐ ܠܗ ܘܰܠܨܶܒܘ̈ܬܗ، ܘܚܝܠܐ ܢܣ̮ܦܶܩ ܠܡܶܬܡܛܝܢܘܬܐ ܥܡ ܟܶܢܫܳܐ ܬܒܠܝܐ ܠܡܚܙܶܐ ܫܪܳܝܐ ܦܘܠܝܛܝܩܳܝܐ ܠܥܶܕܝܐ ܕܣܘܪܝܰܐ̤ ܫܪܳܝܐ ܕܣܳܐܡ ܚܰܪܬܐ ܠܰܛܪܘܢܘܬܐ̤ ܘܰܡܢܰܛܪ ܐܝܩܪܐ ܘܙܕܩ̈ܐ ܕܣܘܪ̈ܝܶܐ ܟܠܗܘܢ؛