وفد قيادي من المنظمة الآثورية الديمقراطية في جولة بمنطقة طور عبدين

ܛܒ̈ܐ : ܛܘܪ ܥܒܕܝ̈ܢ : ܩܡܬ ܬܫܕܪܬܐ ܩܢܛܪܘܢܝܬܐ ܡܢ ܡܛܟܣܬܐ ܐܬܘܪܝܬܐ ܕܝܡܩܪܛܝܬܐ ܒܟܪܘܟܝܐ ܒܦܢܝܬܐ ܕܛܘܪܥܒܕ̈ܝܢ، ܬܫܕܪܬܐ ܗܕܐ ܚܒܫܐ ܗܘܬ ܚܒܪܐ ܓܒܪܐܝܠ ܡܘܫܐ ܡܫܐܠܐ ܕܡܛܟܣܬܐ ܘܚܒܪܐ ܥܒܕܐܠܐܚܕ ܣܛܝܦܐ ܡܡܬܠܢܐ ܕܡܛܟܣܬܐ ܠܘܬ ܐܘܝܘܬܐ ܡܬܢܝܬܐ ܕܚܝ̈ܠܐ ܕܩܘܡܐ ܘܣܩܘܒܠܝܘܬܐ ܣܘܪܝܬܐ.

ܫܪܝܬ ܬܫܕܪܬܐ ܟܪܘܟܝܗ ܒܣܝܩܘܡ ܝܘܡ ܥܪܘܒܬܐ 15 ܐܕܪ 2024 ܒܣܥܘܪܘܬ ܡܥܠܝܘܬܗ ܕܡܪܝ ܛܝܡܬܐܘܣ ܫܡܘܐܝܠ ܐܩܛܐܫ ܡܝܛܪܘܦܘܠܝܛܐ ܕܡܪܥܝܬܐ ܕܛܘܪ ܥܒܕܝ̈ܢ؛ ܐܬܛܝܒ ܕܝܢ ܒܣܥܘܪܘܬܐ ܗܕܐ ܡܝܩܪ̈ܐ ܡܢ ܡܕܒܪܢܘܬܐ ܕܕܝܪܐ ܕܡܪܝ ܓܒܪܐܝܠ؛

ܬܫܕܪܬܐ ܕܡܛܟܣܬܐ ܩܠܣܬ ܟܠܗܘܢ ܥܒܕ̈ܐ ܘܚܘ̈ܦܛܐ ܕܩܐܡ ܒܗܘܢ ܡܥܠܝܘܬܗ ܫܘܝܐܝܬ ܥܡ ܡܕܒܪܢܘܬܐ ܕܡܪܝ ܓܒܪܐܝܠ ܡܛܠ ܫܘܪܫ ܘܥܘܫܳܢ ܐܝܬܘܬܐ ܕܥܡܢ ܕܛܘܪܥܒܕ̈ܝܢ ܘܢܛܘܪܘܬ ܝܪܬܘܬܐ ܘܥܕ̈ܬܐ ܘܕܝܪ̈ܬܐ ܡܟܬܒܙܒܢܝ̈ܳܬܐ ܕܥܡܢ ܒܦܢܝܬܐ، ܬܘܒ ܕܝܢ ܐܣܬܘܕܘ ܚܕܪ ܑܐܝܟܢܝܘܬܐ ܒܐܬܪܐ ܕܬܘܪܟܝܐ ܓܘܢܐܝܬ ܘܒܦܢܝܬܐ ܕܛܘܪ ܥܒܕ̈ܝܢ ܕܝܠܢܐܝܬ̤ ܘܐܬܐܘܝܘ ܡܛܝܒ̈ܐ ܥܠ ܫܟܝܚܘܬ ܪܡ̈ܙܐ ܡܣܝܡܢ̈ܐ ܕܪܫܝܡܝܢ ܡܢ ܫܘܠܛܢܘܬܐ ܬܘܪܟܝܬܐ ܒܪܶܕܝܐ ܕܰܦܬܝܚܘܬܐ ܘܗܶܢܝܢܳܐ ܕܥܕ̈ܬܐ ܘܫܘܬܐܣ̈ܐ ܕܥܰܡܰܢ، ܗܟܘܳܬ ܐܟܝܦܐܝܬ ܕܪܫܘ ܒܪܘܚܐ ܕܡܶܣܬܟܠܳܢܘܬܐ ܘܡܫܐܠܘܬܐ ܟܡܐ ܪܢܝ̈ܐ ܘܨܶܒܘ̈ܬܐ ܕܐܠܨܳܝܺܝܢ ܠܬܫܡܫܬܐ ܕܥܰܡܰܢ؛ ܘܒܢܝܫܐ ܗܢܐ، ܐܬܒܩܝܘܒܣܘܢܩܢܐ ܠܡܩܦܢܘܬ ܫܒܝܠܐ ܕܣܕܝܪܘܬܐ ܘܡܘܛܝܳܐ ܐܡܝܢܐ ܕܝܠܢܐܝܬ ܒܡܫܩܠܐ ܗܢܐ.

ܬܘܒ ܕܝܢ ܕܪܫܘ ܠܰܐܝܟܢܝܘܬܐ ܥܣܩܬܐ ܘܩܛܝܢܬܐ ܕܣܳܒܶܠ ܥܰܡܰܢ ܣܘܪܝܳܝܳܐ ܐܬܘܪܝܐ ܒܣܘܪܝܰܐ، ܡܥܠܝܘܬܗ ܕܚܣܝܐ ܫܡܘܐܝܠ ܚܘܝ ܪܓܫ̈ܐ ܕܟܪܝܘܬܐ ܘܚܰܫܐ ܠܓܕܫ̈ܐ ܕܫܦܥܐ ܒܗܘܢ ܣܘܪܝܰܐ، ܘܰܐܨَܚ ܪܢܝ̈ܘܗܝ ܕܰܐܘܝܘܬܐ ܘܰܣܡܳܟܐ، ܘܣܘܟܝ̈ܐ ܕܫܠܡܐ ܘܫܝܢܐ ܘܫܟܝܢܘܬܐ ܠܟܠܗܘܢ ܥܳܡܘܪ̈ܐ ܕܣܘܪܝܰܐ.

ܒܬܪܟܢ݂، ܐܩܦܰܬ ܬܫܕܪܬܐ ܠܟܪܘܟܝܗ̇ ܘܦܓܥܬ ܒܬܚܠܘܦܐ ܕܦܪܠܡܢ ܬܘܪܟܝܐ ܡܝܩܪܐ ܓܘܪܓ ܐܨܠܐܢ (ܑܐܪܝܐ) ܘܐܣܬܘܕܰܬ ܒܡܬܚܐ ܕܬܪܝܢ ܝܘܡܝ̈ܢ ܥܡ ܦܪܨܘܦ̈ܐ ܘܒܘܟܢ̈ܐ ܡܢ ܒܢ̈ܝ ܥܡܢ ܒܩܘܪ̈ܝܐ ܕܛܘܪ ܥܒܕܝ̈ܢ. ܩܘܪܝ̈ܐ ܕܝܘܡܢܐ ܡܢ ܕܪܝܫ ܡܬܗܒܒ̈ܢ ܒܒܶܢܝܳܢܐ ܘܫܘܟܠܠ ܬܪܡܝ̈ܬܐ ܒܝܕ ܒܢ̈ܝ ܥܡܢ ܡܢ ܥܡܘܪ̈ܐ ܐܘ ܓܠܘܝ̈ܐ.

ܣܶܥܪܰܬ ܐܦ ܬܫܕܪܬܐ ܠܟܡܐ ܡܢ ܕܝܪ̈ܬܐ ܥܬܝܩ̈ܬܐ ܕܦܐܚ ܡܢܗܝܢ ܪܝܚܐ ܕܩܕܝܫܘܬܐ ܘܪܘܚܳܢܳܝܘܬܐ.